Video
Read full review
2016-10-05
4169 views
幾個舊同學約出黎見面，想搵一個就腳又坐得舒服既地方，最好當然係有埋貓貓同各式broad games啦！明查暗訪之後，我地決定去位於北京道既樂園。門口已經感受到歡樂氣氛，門面已經好繽紛，令人感覺好輕鬆。入到去，裡面既格局似西餐廳，但門口位置有一整個大儲物櫃既broad games歡迎你。無錯，係一整個大儲物櫃！見到已經好興奮，其中一格仲有隻肥貓貓添！我地當然揀左肥貓隔果張枱啦！肥貓好得意，唔怕人，可以隨便摸。主人心情好時，仲要比手手你添！睇返Menu，都有唔少選擇。最欣賞既係佢地既小食拼盤，可以按需要揀三款或五款，5款都係$278，夠4-6人份量。另外一個亮點係，佢地有party餐，按人頭收費，兩百蚊有找，岩哂選擇困難症既朋友。食物方面，整體黎講都好出色。當中最鍾意係意粉同牛扒。《戀之花煙三文魚意粉》賣相好靚，有個笑哈哈令人心情都好d。三文魚花好大朵，好足料，味道好新鮮，無雪味。意粉被厚厚既忌廉汁完美甘包圍住，好滑好creamy，口感好滿足。調味方面，亦好出色，忌廉汁有少少蛋香同芝士香，仲有少少香草吊味，正。《安格斯肉眼》去樓上cafe我一向prefer輕食，唔會建議高級食材如扒類，因為
門口已經感受到歡樂氣氛，門面已經好繽紛，令人感覺好輕鬆。入到去，裡面既格局似西餐廳，但門口位置有一整個大儲物櫃既broad games歡迎你。無錯，係一整個大儲物櫃！見到已經好興奮，其中一格仲有隻肥貓貓添！我地當然揀左肥貓隔果張枱啦！
肥貓好得意，唔怕人，可以隨便摸。主人心情好時，仲要比手手你添！
睇返Menu，都有唔少選擇。最欣賞既係佢地既小食拼盤，可以按需要揀三款或五款，5款都係$278，夠4-6人份量。另外一個亮點係，佢地有party餐，按人頭收費，兩百蚊有找，岩哂選擇困難症既朋友。
食物方面，整體黎講都好出色。當中最鍾意係意粉同牛扒。
戀之花煙三文魚意粉
$168
60 views
0 likes
0 comments
賣相好靚，有個笑哈哈令人心情都好d。三文魚花好大朵，好足料，味道好新鮮，無雪味。意粉被厚厚既忌廉汁完美甘包圍住，好滑好creamy，口感好滿足。調味方面，亦好出色，忌廉汁有少少蛋香同芝士香，仲有少少香草吊味，正。
安格斯肉眼
$208
25 views
0 likes
0 comments
去樓上cafe我一向prefer輕食，唔會建議高級食材如扒類，因為廚房設備同大廚未必配合到。但同行有位朋友實在太想食牛扒，我地都膽粗粗叫左一客試下。點知呢度既牛扒竟然有驚喜，牛肉味香濃新鮮。肉質嫩滑無筋，肥瘦均勻。大廚亦唔簡單，火侯控制得好好，表面封香，鎖住肉汁，肉中心有少少粉紅色。香煎肉眼扒上碟時仲配上香草同醬汁，錦上添花。牛扒雖然未算頂級，但cafe價錢食到呢個質素，已經係性價比極高。
小食拼盆
38 views
0 likes
0 comments
小食拼盆
18 views
0 likes
0 comments
小食拼盆
24 views
0 likes
0 comments
怪獸雪糕
37 views
0 likes
0 comments
Post
