kikusan (Closed)

前幾日同大學同學best friend收工之後聚舊，bff之前試過呢間餐廳喺中環嘅分店，我哋今次就試銅鑼灣呢間。好彩bff收得早，等咗一陣就攞到位入座，我到嘅時候門口已經有十幾人等緊位了。Bff等我時已落定小籠包，我坐低唔夠3分鐘即刻有得食😍呢啲咪係愛囉😘👆🏽上海小籠包，皮薄多汁，豬肉鮮甜👍🏽我地都叫咗涼瓜豚肉煎蛋、炸豬柳擔擔麵(走辣)、Kikusan卷及煎素餃，每味都做得出色🤤😋👆🏽炸豬柳擔擔麵(走辣)，Bff有咗身己，所以走辣。炸豬柳有驚喜，幾塊疊埋變成厚切豬扒咁，口感豐富、肉質腍得嚟又食到脂香👍🏽擔擔麵質地一咬即斷，少少煙韌，連湯底花生醬及葱花食好和味👆🏽涼瓜豚肉煎蛋，傳統中菜用上日式豚肉，蛋煎得香又金黃色，涼瓜爽口唔苦，全部吸咗豚肉啲油香，好食😘👍🏽👆🏽Kikusan卷，必食！$68有8件，超多新鮮呑拿魚蓉、三文魚子、海膽😍😍😍我一個人食哂啊！性價比+顏值一流菜式👍🏽👍🏽👍🏽每枱都有叫啊！👆🏽煎素餃，成隻餃脹卜卜，饀料極多，菜切得好幼細，煎得啱啱好，又係好味之作🤤😋我叫多杯啤酒，食完埋單$360，以咁高質素嚟講，堅正😍