名捌月 (Closed)

今日嚟到荃灣捐血站附近呢間西餐廳，唔細心留意真係比較難發現，望倒門口大餐牌嘅食物相片好吸引喎，價錢唔算太貴，決定入去試下。我地一行三人叫左三個套餐，平均每人七十蚊倒，有餐湯、主菜、飲品之餘，仲有salad buffet係free嘅好抵呀~【法式龍蝦湯】味道濃郁，顏色漂亮。【忌廉磨菇酥皮湯】酥皮酥脆，蘑菇湯香濃幼滑。【美國西冷牛扒】拼薯條配上胡椒汁，肉質鮮嫩，幼滑多汁， 有嚼口而不會刃，食落唔會有渣。【意式吉列羊架】配牛骨汁，完美配搭，外層脆卜卜，羊架一d酥味都冇，salad buffet嘅salad味道調配得好好，仲有甜品食添，最後仲飲埋【冰震奶茶】同【冰震朱古力】，好滿足呀！埋單二百蚊都唔洗，地點方便，地方乾淨，食物又有質素，選擇又多又豐富，下次一定要嚟食過。