鼎家喜筷 (Closed)

今日收工，又喺荃灣海之戀搵飯食，上網睇介紹有一間鼎爺開嘅任食雞煲店，人均$168可以任食雞煲90分鐘。鼎家喜筷另一個招牌係佢地嘅燒味，有火焰叉燒同埋火焰燒鵝髀都非常出色而且打卡一流，不過今日就冇食到，因為要留肚嚟食雞煲！我地叫咗小辣，有店員計住時咁煮雞煲，唔使驚佢未熟或者過熟，一開煲聞落勁香，單單個汁已經超惹味，雞肉又嫩滑，的確比起坊間唔少雞煲店出色，不過呢度嘅配料就要另外單點。我哋另外嗌咗牛丸、墨魚丸同烏冬，價錢正常，特別想講呢度嘅牛丸同墨魚丸都非常彈牙好食，已叫雞煲亦另外有送一個菜盤，份量唔少有菇粟米娃娃菜等，而每人加28又有花茶任飲，分別可以叫菊花或者洛神花茶🫡