居食屋「和民」 (Closed)

今日晚餐透過網上外賣平台叫左和民。 本身和民畀我嘅印像會好貴， 但點知見到透過agent買都係80蚊樓下。我叫左照燒蒜香雞扒便當，意外嘅係佢有兩三款前菜 (蓮藕粒，蟹柳，蛋。。) 仲另外分開咗個照燒蒜香汁。食物分量都幾多下。等咗三十分鐘左右，個飯仲係暖嘅 。👍首先講下幾款前菜，前菜都幾就質素，尤其是個蛋，好滑。 👍個照燒蒜香汁味道好濃，蒜味比較重。 不過食落幾野味，好岩餸飯，配佢雞肉都幾夾。至於雞肉方面，雞本身冇乜味，要配佢個醬汁先至得。佢肉質幾嫩下。 切件上，方便客人食。