LA Restaurant & Dessert Bar (Closed)

OT完约同事食晚反，落到樓下先知落大雨，唯有揾間近公司旺角，聽朋友讚有間意大利餐廳，平，靚，正，吓旺角食意大利嘢？仲要平靚正？好一於試吓幾正先，LA Restaurant & Dessert Bar, 個名好有Feel, 哈哈，個肚打晒鼓，7点幾上到去都好多人証明冇去錯。食好嘢等一陣間都要既，有枱即點菜，食意大利嘢点少得pizza, 叫咗個西班牙风乾火煺pizza, 餅底係薄嗰種，超級正宗的意大利pizza, 熱㷫㷫，火煺有咸香味，口感勁正，仲要仲要焗既時間啱啱好，芝士剛剛溶，可以拉到絲。再來鹅肝多士，鵝肝兩面煎至金黃，外脆內軟，入入口即溶，味道甘香，配多士一齊食，不油不利，口感一流，叫咗個湯，酥皮海鮮湯，真材實料，好鮮味，好滑溜，好creamy，真係值得試。跟住.登.登.登，就係德國咸猪手，真係要哇一声，同响德國食嘅味道一模一樣，最重要最重要係伴碟嘅酸菜，猪手外皮松脆， D肉好juice,咸味啱啱好，配埋酸菜食，咸酸味好分明，好有層次感。真心推介