瀛風 (愛定商場)

Open Now

Now Closed

今日入左友愛邨到同朋友食tea，食食下收到媽咪電話，叫我返來時去買d壽司返去比佢和老豆食，我即問朋友邊到有好味的外賣壽司， 朋友即推薦我去友愛街市的瀛風。其實我真係十幾年冇去友愛了，原來依家街市裝修得咁靚仲要有咁多餐廳。去到望一望餐牌已經幫媽咪老豆發辦叫左野食， 分別係辣味螺肉， 蔥吞拿魚蓉壽司和派對盛A， 一返去打開，就比媽咪怪我了， 因我冇拎實比人撞左一下個袋，搞到d 蟹籽壽司散左。但我同媽咪講，唔緊要啦，散左的蟹籽痴落其他壽司到都好好食架，佢地先冇咁嬲我 😁呢到的派對盛A 款式都幾多， 有8款壽司， 媽咪最愛三文魚話好新鮮， 老豆就最愛北寄貝夠爽。 蔥吞拿魚好軟綿綿，他們食得好開心， 仲有個螺肉辣辣地好開胃。呢到壽司好新鮮，價錢又唔貴，媽咪叫我下次買d卷物返去再食過。