東園酒家宴會廳 (Closed)

今晚屋企無飯開, 又想食下屋企feel菜式, 就約朋友去東園, 時不時都會黎呢度食, 因為佢係價錢夠平, 樣樣野都夠份量, 唔會話唔夠飽, 仲幾好味添!欖梅砵仔骨, 其貌不揚既砵仔骨, 食落卻有驚喜, 先將砵仔骨炸到香脆可口, 再以梅子醬調味, 個醬汁酸酸甜甜好濃郁, 令人回味!足料靚湯, 類似菜湯的東西, 似屋企湯無味精, 但比屋企煲的湯更濃郁, 應該只係畢左少少湯渣比我地, 實際用左更多更多去煲, 湯頭好香甜, 而且仲好抵飲, 有7-8碗, 姐姐幫我地用新碗畢湯, 好好服務。半隻豉油雞, 呢個又好有家的風味, 豉油味調較得啱啱好, 唔會太鹹, 雞件夠滑溜我鍾意!