象泰 (Closed)

雅都裝修後新淨企理左唔少，多左個門口入，電動樓梯一路直上就係food court行到盡頭都有幾間堂食餐廳，當中包括呢間平民價貼地泰菜。正如店名，門面、壁畫、擺設都以泰國象作主要元素，富有當地特色。必吃串燒，有雞、豬兩款，前者飽滿軟嫩，後者結實、有咬口，配上花生味濃郁突出既沙嗲醬，非常香口。鳳爪沙律好大盤，混入芹菜、洋蔥、蕃茄，淋上泰式魚露酸醋，酸辣兼容，提味醒胃。鳳爪無骨易食，口感爽脆，令人禁不住吃過不停。小份拼盤同樣足料，份量足夠二至四人分享。有串燒、蝦餅、春卷同雞翼。春卷餡料豐富，有切絲木耳、椰菜、紅蘿蔔同馬鈴薯，外皮炸至薄脆，整體入口鬆脆香口，有飽足感。紅咖喱同想像中有出入，蕃茄味突出，偏酸酸甜甜，岩不好辣既客人同小朋友食羊件份量不算多，但肉件煮至離骨，食起上黎都算方便。