Spoil Cafe (Moved) New Location

Item: Spoil Cafe
Rating: 4
Author: Rates test

144 Reviews

Taste

Decor

Service

Hygiene

Value

6656

Wan Chai

$201-400

Western

Rates test

Level3

Read full review

知道依間舖位少，夜晚要 book 先有位，所以早兩星期 book 定，仲要特別留埋一份招牌 crunch cake，因為佢話佢一日只做一個，所以唔留好可能冇得食，因為第一去，所以找了好一陣先搵到，地方有點隱閉，但去過一次之後就可以容易去到，店舖樓面非常細但裝修都幾精緻，特別係外面個兔仔裝飾亦係令全店生色不少，去到坐底，應該係老板兼廚師的男人安排我哋坐同落單，之後佢就入去廚房開始準備，餐前麵包又唔熱又冇乜味係靠點黑醋同檻㰖油，比我想像中失望，因為其實佢焗熱少少再比啲牛油可以好好多，之後引"Caesar Salad"$108,一上枱我見到真係得菜同幾片芝士，我心諗收我$108比咁嘅嘢我？但食落啲菜非常新鮮，全部R菜，芝士味道亦好濃，還食到有種加落沙律的咸魚味，非常好味，我真係怪錯左佢，如果佢可以加少少炸過嘅煙肉碎同炸麵包粒就更完美！"Prawn pasta"$208,要左Thai style ,叫佢少辣，賣相幾好，兩大隻蝦在意粉上面，隻蝦不過不失，如果可以新鮮啲就更好，但個Thai汁辣辣哋同好重椰汁味，好好食，依個味唔容易響外面餐廳食到，我哋好快就食曬，好彩叫佢少辣，因為唔係對於我嚟講已經足夠，所以建議如果你哋唔食得辣就要記住叫佢少辣！"Pork chop"$218,個汁係以黑醋去煮，配菜有烤過嘅薯仔，非常熱同香口，蕃茄多汁，而個豬扒唔知係個料靚定佢廚藝出色，真係好少食到咁厚都可以咁淋，豬嚟講佢已經做到好好，但我個人都係覺得味道點都係比不上牛扒，希望下次有機會試下佢既prime rib先！之後點了"招牌crunch cake "$55,好彩有留如果唔係真係冇，之前見到有其他食評話美心仲好食過佢，所以真係好想知道係咪咁差，食落cream足滑，蛋糕亦鬆軟，但主角比佢上面啲糖餅脆脆搶曬，好似舊式軟花糖的味道，又大塊又好味，果然係招牌蛋榚！"New York 芝士餅"$45,好普通一個芝士餅嘅外型，但食落好香芝士味，我最鐘意佢唔係死甜嗰隻，好濃郁嘅芝士味同軟硬適中！"Mocha"$35 好嘅咖啡係一個好嘅晚餐嘅結尾，下落見到個女仔即刻用咖啡機整、打泡同整朱古力汁，上到枱非常夠熱，味道亦不錯，口感亦夠滑，食兩口甜品再飲一啖熱咖啡，真係一個好好的享受！初七人日一個好美滿既晚餐！