皇茶冰室 (Closed)

今日去咗荃灣老人院度做義工，探下D公公婆婆，同佢哋玩下遊戲，真係自己都覺得自己後生啲。六點左右同朋友行番出港鐵站附近搵地方食飯，行行下見到呢間皇茶冰室，見吾多人，裝修又幾好就入去試下😆鮮茄焗豬扒飯$56，新鮮焗起，所以都等左一陣先有得食，豬扒好琳，味道好好。瑤柱蛋白炒飯$65，都係即叫即炒，D蛋白好嫩滑，飯軟硬適中，好好味👍去冰室梗係要試吓奶油豬，好香，包外脆內軟😋正。另外加$6就可以有熱飲。