靠得住粥麵小館 (康怡廣場北座)

Open Now

Now Closed

之前都有食過靠得住的粥，係幾唔錯，但原來康怡廣場同其他分店的餐牌係有分別😅。這間靠得住比較大間，而且坐位都寬闊舒服。先來蘋果紅茶，幾香又清甜🤓，來個小食麻辣小黃瓜及陳醋春耳，小小辣加開胃開胃小食🤙🏻。馳名東江鹽焗雞半隻，幾入味，雞件入口嫩滑。惠州梅菜炆扣肉，這個家常小菜賣相算唔錯，扣肉半肥瘦，梅菜醃得入味但不鹹，撈白飯最正👏🏻，再來個金銀蒜粉絲蒸開邊蝦，師父開邊開得靚，蒸完之後蝦自動排成兩邊👍🏻，這個又係要配白飯，因生熟蒜+蝦甜豉油汁再撈粉絲，真係正😋😋。點了魚湯海味雜菜粉絲煲，有蝦乾淆魚湯，攪到好出味，幾好👍🏻。最後點都要叫個心肝寶貝粥（豬膶、帶子），軟綿綿既粥加厚切豬潤，無得輸😋。