大觀園食坊

Open Now

Now Closed

一家🏠四口揸車🚗過嚟東大街搵食，每隔一段時間過來，呢條食街一定有啲食店轉咗手。所以每次都會行晒成條街先再決定食啲乜嘢。當然通常女人話事。老婆今次揀咗呢張大觀園，店舖細細，只有幾張枱，坐得好迫。但係啱啱可以望到我架車。豬軟骨雲吞撈麵：呢個面底係用上海面，超級好食，醬油汁微甜，洽當好處。令豬軟骨，雲吞都淪為配角。超級豬扒米線：豬扒碎上，超級大塊仲好厚身，好味👍👍雞絲蘿蔔米線：正正常常，冇乜特別。時菜雞翼：正正常常，冇乜特別。淨清湯牛腩：蘿蔔薦底，清甜冇喳。牛腩用了雪藏牛肋條，份量是很多，但相對牛味不足。店小二好殷勤，會主動和你傾偈。埋單$224，美味抵食。