功夫點心

Open Now

Now Closed

睇完醫生趕得切食個下午茶，下午茶有兩點半開始，兩點二十五分已經入了餐廳，當時有七成滿，點菜時間係計落單嘅時間，周圍環境好迫，不過食物質素搭救啦！你話好好食又唔係超好食，但係食物好精緻，好食嘅來來去去都係果幾樣，包括蝦餃、燒賣、腸粉！啲蝦好爽架！燒賣又唔錯，大大粒，有懷舊嘅感覺，下午茶仲有八折優惠！兩個人只係食咗＄96 !今次去食出咗一個新嘅包叫香滑芋容松皮包!我好鍾意食芋頭所以覺得幾好食，大家可以試吓，只係買＄8一個，最少叫兩個，蝦餃同燒賣都係兩個起，個包都幾大個。食小籠包及牛肉就十分普通，大家可以叫其他嘢！