夢の丼 (Closed)

今日同女朋友去食日本丼飯，夢の丼。上網見到呢間餐廳既丼飯用上赤醋飯，赤醋飯用咗粕醋調製，味道帶酸，會比平時嘅壽司飯味道更濃郁，唔需要加醬油都好夠味。-前菜 : 麵豉湯 + 沙律食丼飯，小食之前，店員會先提供麵豉湯同沙律。沙律菜比較大路普通，而麵豉湯就比較特別，麵豉湯帶有蜆仔，令湯更為鮮甜。-蟹黃醬燒蟹膏豆腐蟹黃醬加係豆腐上面去燒，蟹黃醬會更為濃郁，更加香，增添一份火炙味道。蟹黃醬上面再加左櫻花蝦，再加一層鮮味。豆腐夠嫩滑，配濃厚蟹黃醬同櫻花蝦，層次再添豐富。-夢之丼黎到當然要試人氣丼飯夢之丼，一次過食到三文魚蓉、三文魚子、帆立貝、牡丹蝦、海膽、松葉蟹、右口魚邊。每一款食材都非常新鮮，魚生刺身夠鮮甜，份量十足，好豐富。牡丹蝦肉質彈牙，三文魚籽自帶豐富海水味，特別要提帆立貝，店員介紹可以飲一杯自家製橙醋，再用橙肉沾帆立貝，更突出帆立貝鮮味。-花錦魚生丼呢個魚生丼飯同樣用赤醋飯作飯底，份量一樣足料，有三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子漬、松葉蟹、蜆肉。呢個丼飯類似高級版角切魚生飯，每啖魚生入口，新鮮肥美，好食，玉子漬非常特別，蛋味好出，拌飯一