串燒咖啡 (Closed)

假期搵朋友會一會, 老會中午食個飯談談天, 唔想比餐廳食完趕住走, CAFE 小店就成了首選。仲記得中學時點一杯飲品就可以消磨大半天, 今日落腳點串燒咖啡。菠菜煙三文魚pizza ,手抓餅好脆架，食完唔會話好膩，當成輕鬆小食一流。田園沙律簡單淋了醋汁同胡麻醬，個麵包粒難得係熱熱地仲有牛油香架。南瓜焗雞皇飯 ，南瓜融入了白汁中，而白汁又有芝士，好濃好香。雞扒醃得幾濃味，豉油味幾出不過配飯就鹹了點。香蕉朱古力鬆餅 ，香蕉肉偷偷加在waffle中所以食得出蕉架香氣，同細個食到個夾餅好似，好鬆軟濕口，潤上雲尼拿雪糕一齊食超正。燒魷魚略濃同鹹，塗上了一層厚沙茶醬，肉質有點難咬。橙汁加雜果肉，個叉設計方便挑生果肉食，好喝。菊花杞子茶，加水一次免費好少樓上cafe 食物做到呢個水準架，價錢仲好合理，坐足2個鐘enjoyk左個中午