新麻蒲 BBQ (波斯富街) (Closed)

係香港講起有質素保證既燒烤店，新麻蒲算係數一數二的。見聖誕就到，就豪食一次，今次去試左佢地既新餐，韓冬主題二人套餐，$668，入面包括左三塊高質牛排，包括左美國西冷,日本和牛同埋1++濟州韓牛，兩杯肉桂蘋果茶，一個雪花冰。牛排方面，三塊都十分高質，但如果要排先後次序，本人覺得和牛>韓牛>西冷，呢個排法係以油香為基準，和牛入口即溶真係好正。杯野飲就勁濃肉桂味，如果鍾意肉桂既朋友一定會覺得好正。雪花冰就做到好細滑，好似一層好薄既雪放入口咁，但本人喜歡撈埋雪花冰下面既果醬食，同雪花冰既奶香味好夾。新麻蒲既另一賣點當然係無限refill既前菜，當中以沙律同埋蘿蔔最好食，沙律超級新鮮個汁係檸檬做，十分開胃。$668睇上去雖然唔平，但有三塊高質牛價錢真係算抵，呢個可以encore。