Mr. Right (Closed)

大虎蝦海鮮龍蝦汁配扁意粉虎蝦彈牙唔會痴住d殼，食落唔霉口，配料海鮮好足料，絕無欺場。帶子有煎香過，魷魚有炒過，青口大隻唔腥，配埋濃郁既龍蝦汁，真心唔錯-香草蜆肉忌廉汁配意粉蜆肉連殼炒，冇炒到過左龍，唔韌得黎又冇乜點縮水喎。意粉炒得過身，條條分明，唔會一patpat，食到底都唔會油淋淋。-海膽香菇魷魚配墨魚意粉意粉一早就用墨魚汁整成，就算同心儀對象撐枱腳，都唔怕食到成嘴黑哂。醬汁特別帶微酸，魷魚係有炒過先同意粉一齊煮，食落好香，好有口感。-整體食物質素唔錯，環境舒服，不過食物份量偏少，如果係男仔會唔夠食。-好味指數:8.5/10賣相: 8/10性價比: 6/10