Video
Read full review
2023-01-22
639 views
2023年1月13日 星期五今日收工之後見有少少肚餓，就打算返屋企之前搵間餐廳食個下午茶先係大圍行經過呢間餐廳，新開張左都有半年左右，但一直都未試過，因為成日見到有好多人排隊食，好彩今日呢個時間無乜人，所以即刻入左去入面都裝修得幾舒服，主要用左木色，感覺幾柔和我去既時間仲喺下午茶時間，下午茶餐都幾抵食，$40左右就有埋嘢飲，而且有好多選擇，唔一定局限食車仔麵但我當然要試吓佢嘅車仔麵啦，車仔麵配料有好多食物可以揀，最後要咗幾款餐廳推薦嘅，再加一個小食同飲品加埋$90都唔使，沙田區嚟講都算幾平，而且沙田區真係冇乜車仔麵店一點完餐等咗大約5分鐘左右，飲品就即刻送到，係凍西洋菜蜜，都幾大杯，而且唔算太多冰，所以份量都算多，飲落去唔算太甜，有菜蜜味又夠冰凍之後車仔麵就送到，主要我叫咗三個餸配粗麵，份量下午茶嚟講都算幾大，上面仲加咗我要嘅沙嗲汁，所以湯底好濃郁，唔算太辣，不過幾惹味一定要提下呢一個秘製咖喱魚蛋，咬落去連魚蛋裏面都吸收晒咖喱嘅味道，而且好彈牙，仲有少少魚味添另外，牛丸都係餐廳獨家配方，比起一般嘅牛丸感覺更加有咬口，肉味幾香濃，食到停唔到口我仲叫咗豬軟骨，煮得好入味，而且一咬就斷開，唔
今日收工之後見有少少肚餓，就打算返屋企之前搵間餐廳食個下午茶先
係大圍行經過呢間餐廳，新開張左都有半年左右，但一直都未試過，因為成日見到有好多人排隊食，好彩今日呢個時間無乜人，所以即刻入左去
入面都裝修得幾舒服，主要用左木色，感覺幾柔和
我去既時間仲喺下午茶時間，下午茶餐都幾抵食，$40左右就有埋嘢飲，而且有好多選擇，唔一定局限食車仔麵
但我當然要試吓佢嘅車仔麵啦，車仔麵配料有好多食物可以揀，最後要咗幾款餐廳推薦嘅，再加一個小食同飲品
加埋$90都唔使，沙田區嚟講都算幾平，而且沙田區真係冇乜車仔麵店
一點完餐等咗大約5分鐘左右，飲品就即刻送到，係凍西洋菜蜜，都幾大杯，而且唔算太多冰，所以份量都算多，飲落去唔算太甜，有菜蜜味又夠冰凍
之後車仔麵就送到，主要我叫咗三個餸配粗麵，份量下午茶嚟講都算幾大，上面仲加咗我要嘅沙嗲汁，所以湯底好濃郁，唔算太辣，不過幾惹味
一定要提下呢一個秘製咖喱魚蛋，咬落去連魚蛋裏面都吸收晒咖喱嘅味道，而且好彈牙，仲有少少魚味添
另外，牛丸都係餐廳獨家配方，比起一般嘅牛丸感覺更加有咬口，肉味幾香濃，食到停唔到口
我仲叫咗豬軟骨，煮得好入味，而且一咬就斷開，唔會覺得好韌，可惜份量比較少，如果多啲嘅話會更加好
最後小食我仲叫咗煎蠔餅，煎得好香口，外皮脆卜卜，有好多飽滿嘅蠔肉，完全唔覺得腥，煎得啱啱好，食得好滿足
Post
