火五越式牛肉粉專門店 (其昌樓)

Open Now

Now Closed

港九都有分店的火五，專食越南粉，素以價錢親民見稱。今次和朋友嚟到佐孰分店，唔食粉，試吓其它嘢，一樣大大碗，好飽。👉招牌小食拼盤（$138）分別有：。黃金脆魚皮：又鬆脆又有蛋黃香，好想叫多碟。。香草大蝦：外皮酥脆，原隻大蝦。。蝦春卷：長春卷包住蝦肉，卜卜脆。。手作大蝦米紙卷和。手作扎肉米紙卷：有蝦仁/扎肉、米粉、青瓜絲和生菜，好足料。。青木瓜沙律：加埋越式甜酸汁，開胃。呢個拼盤顏值滿分，又抵食。由於有兩份米紙卷，相當飽肚。👉法式咖哩牛肋撈檬（$58）咖哩醬香濃而不辣，牛肋條軟腍入味，檬粉份量十足。略嫌紅蘿蔔絲太硬也太多了些。👉蠔油唐生菜（$19）大碟夾抵食。嚟火五，真係唔擔心食唔飽。