小茶角 (啟豐商場) (Closed)

山長水遠入到嚟屯門碼頭，當然要試下呢度嘅人氣食店小茶角，非常好彩，等位嘅時間唔算耐，不過冇得坐最正嘅向海位置，有辣有唔辣。呢度主打我最鍾意食嘅牛角包。叫咗客屯門牛，由於即叫即整，等候嘅時間無疑耐少少，不過等待絕對係值得嘅，因為牛角包外皮香脆，裡面既軟熟又充滿牛油香味，真心好食😋。入面嘅餡料有炒蛋，磨菇，芝士，煙肉，生菜同蕃茄，非常豐富，煙肉本身味道較鹹亦較多油，其他食材就正好中和了鹹味和油膩感覺。叫多杯炭焙烏龍，就可以免費送一客我最鍾意（又係😆）嘅炸薯角，呢個又係冇得輸，薯角連皮炸，熱辣辣，薯味又濃，一條駁一條咁食，食到冇停口。