Video
Read full review
2023-09-11
569 views
今晚約左人去銅鑼灣食飯，同個朋友早左落去，無野做，個朋友話佢之前去過間酒吧有鏢掟🎯有枱波打🎱咁去打發下時間🌝上到Moon Ocean去，又大又舒服，直頭俾普通酒吧高一個level，成個場都好新淨。坐底即刻有碗麻辣花生食，估唔到，又幾好食，即刻成碗倒入口。Menu主要都係酒精種類多，叫完杯酒同小食，即刻同個朋友打兩下桌球先啦!🥃🍸🍺🍷🥂🍻🍹今日我地叫左3杯野飲同兩個小食。🔥🍹Tom Yum ～$138我本身都好鍾意辣野，見到個名就知係冬蔭公D friend，即刻試一試佢。外表就有粒青檸，加隻辣椒，飲落去，真係酸酸甜甜辣辣爽爽嘅味道，青檸嘅fresh，加小小辣味，除左Bloody Mary之外，呢杯可以話係我第二最愛。🍍🍹Pina Colada ～$108(HH)除左飲自己個杯，緊係試埋人地個杯啦Pina Colada，啜落去個味都好柔和，酒精唔會好搶，椰汁味好重(正!!)、仲有菠蘿汁加Rum，加埋冰，除左清涼口感，仲好似去左陽光與海灘咁。女士一定鍾意。🥃🍷Whiskey Sour – New York Sour ～$108(HH)我就一杯唔夠喉，叫左靚仔侍應整個是日推介，就整左杯New
上到Moon Ocean去，又大又舒服，直頭俾普通酒吧高一個level，成個場都好新淨。坐底即刻有碗麻辣花生食，估唔到，又幾好食，即刻成碗倒入口。Menu主要都係酒精種類多，叫完杯酒同小食，即刻同個朋友打兩下桌球先啦!🥃🍸🍺🍷🥂🍻🍹
今日我地叫左3杯野飲同兩個小食。
🔥🍹Tom Yum ～$138
我本身都好鍾意辣野，見到個名就知係冬蔭公D friend，即刻試一試佢。
外表就有粒青檸，加隻辣椒，飲落去，真係酸酸甜甜辣辣爽爽嘅味道，青檸嘅fresh，加小小辣味，除左Bloody Mary之外，呢杯可以話係我第二最愛。
🍍🍹Pina Colada ～$108(HH)
除左飲自己個杯，緊係試埋人地個杯啦Pina Colada，啜落去個味都好柔和，酒精唔會好搶，椰汁味好重(正!!)、仲有菠蘿汁加Rum，加埋冰，除左清涼口感，仲好似去左陽光與海灘咁。女士一定鍾意。
🥃🍷Whiskey Sour – New York Sour ～$108(HH)
我就一杯唔夠喉，叫左靚仔侍應整個是日推介，就整左杯New York Sour俾我。
估唔到杯酒仲可以有視覺享受，上紅下黃，原來係紅酒，威士忌。一口大啖飲落去，兩隻酒都飲晒落口，感覺都好正，仲要有少少檸檬汁，酸酸地，幾好入口，酒味當然濃烈D，我鍾意呀!
🫔春卷 ～$68
🦪炸蠔 ～$98
兩個送酒小食，都好好食。兩個都炸到卜卜脆，送酒佳品
Post
