沁沁麫 (Closed)

呢排趕Project，每日由朝早9點忙到無停，今晚仲OT到9點鐘，終於收工啦！就諗住喺公司附近搵間餐廳食嗰飯，返屋企早啲休息。行下行下，就見到呢間西灣河沁沁麪，見到幾多人食，就入去試下，點知又真係幾掂喎！沁沁飯 (秘製臘味雞油焗飯)一嚟到就香味誘人，有臘腸、潤腸、臘鴨同滑雞件，非常足料。飯底唔係普通白飯，而係沾滿醬油嘅糯米，煙煙韌韌。滑雞件大大件，入口鮮嫩，加埋臘腸、潤腸同臘鴨，真係份外惹味。蠔油時菜為咗A姐，為咗健康，等我叫嗰油菜啦！菜心清甜爽脆，配埋鮮味蠔油，正。自家製羅漢果茶呢杯羅漢果茶真係真材實料，非常濃味，雖然無落糖煲，不過好甘香清甜，飲完嗰喉嚨都舒服晒。