湯煲私房火鍋

Open Now

Now Closed

不嬲都鍾意打邊爐，今次過咗嚟呢間中上環嘅私房火鍋店，佢哋有別於連鎖餐廳，舖頭既食材好多都係新鮮製造，而且消費滿$1000可free corkage 免開瓶費，啱哂一班人開下酒打吓邊爐佢哋有多款湯底，有養生、麻辣等等，我哋揀咗花膠雞煲，湯頭都幾鮮甜，濃郁而且飲落去有少少黏口，骨膠原十足裏面都好足料，都多雞件同花膠。打邊爐點少得牛肉，安格斯肥牛薄切，油脂均勻，入口口感都唔錯，至於丸類到同餃子類嘅火鍋配料就擺咗喺小竹籠度，都幾精緻，水晶奶皇包幾得意，外皮煙煙韌韌，裏面包住流心奶黃餡，本身打邊爐比較prefer食鹹嘢，但都覺得呢個好香甜creamy，至於豬潤拼魷魚，個豬潤好好食，厚切得嚟肉質好滑，而且一啲渣都冇魷魚新鮮彈牙，而手打牛丸都幾好嚼口，但唯一比較淡口。至於魚皮響鈴都算炸得幾好，兩者都好鬆脆，輕輕放落個湯度幾秒，absorb咗啲湯精華就可以食得啦整體嚟講食物質素真係唔錯，食得出係新鮮野，有機會會再encore！