雲興隆小廚 (Closed)

今晚同黃兔食我最喜歡的煲仔飯，這裡有超過十款煲仔飯選擇，每款都好吸引，有選擇困難症的我最後揀左:蝦乾排骨煲仔飯上枱時熱辣辣，店員一打開個蓋，氣味已經撲入鼻了而且賣相吸引。另外豉油可隨個人喜好自己落！蝦乾有咸香味，排骨配以豆豉醬份外合配，飯吸收左蝦乾同豆豉香味，加上軟硬適中，好食呀而且煲底有香脆飯焦，脆卜卜的好香口呀勝瓜魚肚湯材料豐富份量十足，有勝瓜（好淋），魚肚（吸收左魚湯，好入味），雜菌同粉絲。配以鮮甜魚湯，好鮮味！士多啤梨骨用士多啤梨醬淋上煎好的手抓骨上，香脆甜美，肉質不會乾身，惹味配上可樂，爽呀！