泰國素食

Open Now

Now Closed

喺九龍城有得食素食嘅地方唔多，係OpenRice搵到呢間素食餐館，跟住即刻去試一試。一定要試一試呢個香辣炒素雞，味道非常之好，又唔係好辣，調味真係做得好好。沙嗲素雞都真係幾好食，同真正食串燒雞差唔多。為一差小小嘅係紅咖喱素鴨，味道比較淡，咖喱味不夠重。冬陰公湯都幾好飲，好清新。唔算太辣，好多菜同埋佢用咗中國娃娃菜令到個湯底夠甜，非常好飲的。環境新裝修幾好的，好乾淨同埋好整齊，唯一可以進步嘅就係個燈太光，如果暗番少少食慾會比較好啲。啱啱試食咗兩個禮拜素食，我覺呢度啲嘢食都有啲似真正泰國嘢，唔覺得泰國嘢需要肉先好食，素食都可以好好食。