Cow Bean (TKO Gateway) (Closed)

COW BEAN 以前有去過，食物不錯，價錢相宜，但食過幾次就沒有再去，最大原因是不喜歡牛扒堂食竟然用紙盒上，我明白呢啲係佢哋嘅特色，但總係覺得好似喺度食緊便當又不環保。聽朋友講，現在已經唔用紙盒上，就去試下啦，橫掂都要食晚餐，坑口 tko gateway東翼即以前嘅厚德商場，舖面光猛，地方寬敞，座位舒適。我哋四人一坐低就柯打，我叫了美國安格斯西冷牛扒，朋友各叫各的，望清楚餐牌原來要等20分鐘，算啦，傾住偈先啦，枱與枱之間有充足距離，我哋有時大聲笑都唔會影響到別人。牛扒上枱，果然唔係用紙盒盛載，現在精緻好多，牛扒已切成小塊，我最 buy 就是這樣，牛扒已切好，一塊一口唔使切。牛扒五成熟，肉質柔嫩，牛味濃，伴碟有香脆的薯條，同埋新鮮清甜的沙律菜，一邊食美味的牛扒，一邊食清新的沙律菜，完美配搭。不過，份量就比較少一點啦，若果能夠加啲意粉或者米飯，就更加好啦。餐後嚟個西班牙雪糕咖啡，咖啡本身比較苦，但配上甜甜嘅雪糕，真係冇得輸。