開心坊·親子餐廳 (Closed)

Dinner Set塊牛扒($118)真是不得不提，好juicy，牛肉汁係嚼的其間，好juicy到好似湧出黎。Dinner Set不單止可以優惠價叫養顏飲品，仲可以點小食同甜品。我地叫咗柚子醬雞翼三件($18)同法式焦糖燉蛋($18)。先講雞翼，皮脆肉嫩，味道略帶酸咪咪，有消滯開胃的作用。甜品方面，我地係叫時日甜點，姐係無得選擇。法式焦糖燉蛋，燉蛋質感香甜，蛋香味濃，配搭香脆的焦糖脆面，好好味呀。我地仲叫多咗個雞肉西蘭花芝士通粉($88)，廚師用咗兩種芝士撈通粉，令到芝士味道更為濃郁又不會過膩，再配上彈牙的通粉，吃的時候可以隨意用餐匙舀一口，一定會看到誘人的拉絲。最後，我地幾重要呢間餐廳的原因之一，係佢有放置食客享用的遊戲機，啱曬一家大細等食物時玩。