漁舍酸菜魚 (Closed)

睇晒個餐牌後覺得晚市套餐係最抵食套餐有2-3人份量，總共有5道菜椰香BB鴿同埋白灼時蔬就一定有㗎啦有得揀一款涼菜一款小菜仲有一個餸可以揀水煮湯/酸菜湯/番茄湯，配料有鮮魚片、美國牛肉等 不同價錢有不同選擇兩個人揀咗酸菜湯配鮮魚片話就話半份鮮魚片我哋兩個人覺得份量都幾多魚片新鮮冇腥味成個大鍋有鮮魚片之外仲有配料㗎有扁薯粉、蓮藕等湯底可以揀辣度 啱晒食唔到辣嘢嘅人▫️涼拌手撕雞 - 涼菜其中嘅一款。我鍾意佢哋唔係撈一大pet芝麻醬落啲手撕雞上面遮蓋晒啲雞味😆▫️蒜蓉烤鮑魚仔 - 就咁散叫要HKD128，套餐小菜可以點呢個菜式都唔錯喎。每隻鮑魚仔痴到個殻實一實，證明個殻唔係重用啦😂 每隻鮑魚上只有少少蒜蓉，味道都唔錯呀。餐廳面積雖然唔算好大間，不過環境都幾光猛同埋整潔。適合一家大細去食飯。侍應服務殷勤，成日都會走過嚟幫我哋斟水。晚市套餐嗰5道菜兩個人清晒因為好惹味😂埋單HKD450都唔洗以餐廳環境、服務、食物質素嚟講唔算貴。