黃枝記 (Closed)

今日去開銅鑼灣，就黎食黃枝記多年前係澳門食過，一試難忘，今日水準依然樓梯一行上去就見到《有錢最好食雲吞》哈哈！環境好舒服，即使係中午旺場，店員態度都好好由安排入座到點菜都貼心招呼而且台同台之間好闊落感覺乾淨衛生餐牌選擇多，除左傳統野，仲有新派野！銅鑼灣店仲有腸粉（我喜歡既食物之一）今日一於食番傳統野～蝦子撈！一炮而紅既竹升打麵果然名不虛傳。首先，麵條好幼好幼，而蝦子份量好足，遍佈每一條麵。食到走個陣發現連面上都有蝦子🙈麵條幼得黎，咬落去都好有口感，條條分明，且彈牙。配上蝦子，更錦上添花個湯都好值得一提，唔會濃，好鮮甜！食一啖麵，飲一啖湯，配搭好正！食完個面之後，忍唔住追加左一個原粒帶子腸粉腸粉有3大條，每一條有兩粒帶子係入面，睇相都知真材實料豉油同腸粉分開上，岩哂食得清淡既我值得一提，腸粉好滑好薄，配上大大粒又爽滑既帶子，係唔加任何豉油既情況下，都食到鮮甜味道最後叫上一杯檸檬柚子，檸檬中和左柚子既甜味，又有維他命c, 大大加分好滿足既一餐整體黎講：食物用料慷慨竹升打麵必試服務態度優良