深仔記茶餐廳

Open Now

Now Closed

放工過了去食深仔記，餐廳主打瑞士汁雞翼、滑蛋、雲吞麵等多款茶記美食，而且價錢較平民化且份量十足。瑞士汁雞全翼雞翼滷得入味又不會過咸，瑞士汁帶點甜味，雞翼滷得剛好，不會過腍。淨雲吞雲吞粒粒都包到乒乓波般脹卜卜，而且裏面有原隻蝦仁，蝦仁新鮮爽口，湯底有大地魚鮮甜。豬扒炒公仔麵公仔麵炒至上色，麵質爽口，加了些洋葱、葱等配菜，食落又不會太油膩。蔥花三拼滑蛋飯有叉燒、蝦仁、牛肉，叉燒雖然比較瘦，但都算腍，牛肉有咬口，蝦仁新鮮爽口，滑蛋蛋香十足，質感幼滑。蒜蓉炒菜心菜心炒至翠綠且無渣。最後飲返杯餐茶，奶茶茶膽夠濃。