榮記(東成)飯店

Open Now

Now Closed

今次同啲女仔朋友去食飯，想有啲新意揀咗食大排檔🤣～因為比較即興，所以都係隨便揀咗間唔使預訂嘅去試吓。呢間餐廳喺熟食中心入面，去到有10幾個人喺前面排緊隊。我哋叫咗個魚香茄子煲、蟹肉飯同埋椒鹽鮮魷。上菜嘅速度唔算特別快，都係逐碟逐碟上嘅。價錢方面唔算太貴，又幾十至到百零蚊都有一碟。椒鹽鮮魷好大嚿，炸得好好味，我哋食到停唔到口🤭個蟹肉飯都好有驚喜，入邊有好多蟹肉撈埋一齊食，送埋茄子超開胃🤣。如果下次有一大班人，就可以嗌多啲嘢食。