Video
Read full review
2016-09-05
2859 views
靚女朋友生日, 所以想搵一個好地方,又特別又能坐得舒服,同事介紹呢間CAFE, 上OPENRICE見到食評唔算多, 但傾向好評, 加上相片見到個成大的兒童餐好特別,所以就決定呢間, 我已早左差不多大半個月去BOOK, 我地3個人, 網上講話要呢D餐先要BOOK.所以我地先訂左甜睡的小熊家族 (2人餐)由於我地有3個人, 所以在電話先問職員是否其他單人成人餐是否而家要訂埋, 因為無餐牌, 好難一下決定,職員回答: 可以到時ORDER............結果就中伏了..............................當晚六點半準時到左, 店內唔係好大, 店內傾向日式佈置, 感覺都好親切, 店員亦好有禮貌.由於靚女朋友生日所以加左$15 係個小熊寫happy birthday ...(其實加$15 個人覺得好唔值)好快到齊就睇下餐牌有乜食啦 !! 靚女朋友就好想去試另一款的兒童餐, 打算ORDER時, 竟然話要1日前,我當堂O咀, 職員也有解釋沒有材料再做成人餐, 其實主打做成人餐, 每日至少都要有兩手準備吧 !最後就叫多一個排骨麵了。先上了無添加的蔬菜湯, 味道好像蕃茄薯仔湯
同事介紹呢間CAFE, 上OPENRICE見到食評唔算多, 但傾向好評, 加上相片見到個成大的兒童餐好特別,
所以就決定呢間, 我已早左差不多大半個月去BOOK, 我地3個人, 網上講話要呢D餐先要BOOK.
所以我地先訂左甜睡的小熊家族 (2人餐)
由於我地有3個人, 所以在電話先問職員是否其他單人成人餐是否而家要訂埋, 因為無餐牌, 好難一下決定,職員回答: 可以到時ORDER............結果就中伏了..............................
當晚六點半準時到左, 店內唔係好大, 店內傾向日式佈置, 感覺都好親切, 店員亦好有禮貌.由於靚女朋友生日所以加左$15 係個小熊寫happy birthday ...(其實加$15 個人覺得好唔值)
好快到齊就睇下餐牌有乜食啦 !! 靚女朋友就好想去試另一款的兒童餐, 打算ORDER時, 竟然話要1日前,
我當堂O咀, 職員也有解釋沒有材料再做成人餐, 其實主打做成人餐, 每日至少都要有兩手準備吧 !
最後就叫多一個排骨麵了。
先上了無添加的蔬菜湯, 味道好像蕃茄薯仔湯, 好飲 ! 飲得出係無味精。
沙律就正常啦 !
主角黎啦 ! 上到枱真係會比好吸引, 影左唔少既相啦 !
咖喱另上, 反而覺得白飯唔夠食添, 蛋皮蓋住雞翼, 增加了驚喜。整個兒童餐所有配料係即整, 唔似早早就整好晒 ! 而且食呢個餐仲有張即影即有的相片送比你。
再黎一個排骨拉麵, 其實唔差, 不過係呢度比起成人餐就無咁突出啦 !
跟餐仲有個甜品, 請職員點上蠟燭, 送給靚女朋友真係好開心. 西多士煎得好金黃, 耳朵係用OERO餅乾,加上有粒雪米磁, 食埋都好飽 !
最後唔少得既飲品啦 ! ORDER了蘋果紅茶免費加椰果, 凍朱古力再加熊仔 (記得要加$15定$20), 個個唔係雪糕球, 而係雪米磁 , 不過如果係雪糕會好好多~
餐廳食物質素真係中上, 價錢又唔算好貴, 只係有限的成人既兒童餐要早一天ORDER就真係有點那過,加上前一天又唔會致電給你CONFIRM BOOKING, 如果有早1-2天前打電話去溫馨提示下, 相信前來食的
的客人必定唔會失望
Other Info. :
靚女朋友比$10做會員, 生日前後3天可以免加一, 所以平左好多 !
另外, 洗手間都好DIRTY, 亦無梘液提供
(The above review is the personal opinion of a user which does not represent OpenRice's point of view.)
Post
