食神麗宮

Open Now

Now Closed

同阿女行街經過見到，（食神麗宮）聽個名就很有霸氣，反正已是晚餐時間，又唔想煮飯，就入去試吓😋一入門口有幾個獎杯，應該食物質素有返咁上下，而且坐位闊落，光猛空間大，坐得舒服。蒜香玉乳脆鱔球～炸鱔球咸香惹味，炸完之後用香料蒜蓉紅椒青蔥碎起鑊再爆香。鱔肉肉質新鮮彈牙，大大塊而且無骨，啖啖肉好滋味！食神叉燒拼腩仔～一上枱就見到叉燒腩仔排得靚靚。蜜汁叉燒半肥瘦，醃得好入味，每一嚿都有淡淡酒香味，食完一件接一件，果然係招牌菜！腩仔塊皮燒到非常鬆脆，半肥瘦的肉質入口鬆化，加上鬆脆的外皮，食落很有層次感！食神皇帝炒飯～呢碟炒飯有哂造型，成條理魚模樣，材料包括帶子，蝦，青豆同蛋，炒飯上面仲鋪咗蟹子。飯加咗大量蝦粒同帶子粒再加入豉油都炒得夠乾身，粒粒分明。而蟹籽撈埋啲飯一齊食，令到碟飯口感層次好豐富，每一啖都好似加咗爆珠咁，非常特別。