Food Garden ETC (Closed)

去d2place行街街，見到一間有花草壁畫🌺🌴的西餐廳。menu上有牛油果醬蟹肉薄餅幾岩我口味就入咗去食😋。叫左三款小食，脆炸北海道生蠔🦪有驚喜👍🏼上枱時熱辣辣外脆內爆汁😆蠔肉都幾厚身吾會腥，我一個人食咗四件！燒牛舌咬落軟糯吾會太硬太難咬，調味充足。24個月伊巴尼亞火腿配蜜瓜，火腿的鹹香配上爽口的蜜瓜好夾好開胃，配杯白酒係最夾。牛油果醬蟹肉薄餅上枱見到個pizza好足料，清晰可見的蟹肉絲🦀及creamy的牛油果🥑，拎起pizza有芝士拉絲的效果😍，食落餅底都夠厚夠脆。餐廳環境幾舒服，都有打卡位可以影下靚相。店員都好主動介紹餐牌及幫我們加水及收用完的餐具。