Video
Read full review
2023-11-14
444 views
好朋友準備去日本工作，臨走前好想同佢食飯，就揀咗旺角 Amplifier，鍾意佢地方大，卡位坐得舒服，好啱傾偈，今晚全部店員都好nice，佢地好young 好親切，我 friend 讚我識得揀地方。不作他想，2人餐($988)慢慢食慢慢傾。🦪新鮮生蠔南非生蠔都幾大隻，creamy 而且爽脆，好新鮮嘅感覺，同平時法國或者愛爾蘭個啲唔同，唔係海水味個種，呢款比較清甜。🍈🐖巴馬火腿配蜜瓜大大塊Parma Ham簡直係刺激你嘅食慾，鹹香味嘅火腿配番清甜嘅蜜瓜恰到好處，食到呢度個胃口全開。🍄香烤大啡菇釀蒜香牛油田螺離遠已經聞到烤大啡菇嘅味道，上枱簡直可以用濃郁香氣嚟形容，每人有5-6粒田螺，真係好滿足。🥘蟹肉龍蝦濃湯蟹肉龍蝦濃湯飲得出由真正龍蝦熬煮，有高級餐廳水準，仲有少少蟹肉帶黎不同口感。真正嘅龍蝦濃湯，超水準！屬於高級餐廳出品，而且蟹肉帶嚟多層次嘅口感。🦞原隻法式龍蝦米多 (+$50)第一次食呢款法式焗龍蝦，上網research 話係用芝士、辣椒粉同白酒做成醬汁，再靠雞蛋增加濃厚口感，然後蓋在龍蝦上面焗，怪唔之得食落個味道咁豐富，以後可以介紹俾friend，充滿特色又有新鮮感。🥖🥩慢煮美國威
好朋友準備去日本工作，臨走前好想同佢食飯，就揀咗旺角 Amplifier，鍾意佢地方大，卡位坐得舒服，好啱傾偈，今晚全部店員都好nice，佢地好young 好親切，我 friend 讚我識得揀地方。不作他想，2人餐($988)慢慢食慢慢傾。
🦪新鮮生蠔
南非生蠔都幾大隻，creamy 而且爽脆，好新鮮嘅感覺，同平時法國或者愛爾蘭個啲唔同，唔係海水味個種，呢款比較清甜。
🍈🐖巴馬火腿配蜜瓜
大大塊Parma Ham簡直係刺激你嘅食慾，鹹香味嘅火腿配番清甜嘅蜜瓜恰到好處，食到呢度個胃口全開。
🍄香烤大啡菇釀蒜香牛油田螺
離遠已經聞到烤大啡菇嘅味道，上枱簡直可以用濃郁香氣嚟形容，每人有5-6粒田螺，真係好滿足。
🥘蟹肉龍蝦濃湯
蟹肉龍蝦濃湯飲得出由真正龍蝦熬煮，有高級餐廳水準，仲有少少蟹肉帶黎不同口感。真正嘅龍蝦濃湯，超水準！屬於高級餐廳出品，而且蟹肉帶嚟多層次嘅口感。
🦞原隻法式龍蝦米多 (+$50)
第一次食呢款法式焗龍蝦，上網research 話係用芝士、辣椒粉同白酒做成醬汁，再靠雞蛋增加濃厚口感，然後蓋在龍蝦上面焗，怪唔之得食落個味道咁豐富，以後可以介紹俾friend，充滿特色又有新鮮感。
🥖🥩慢煮美國威靈頓牛柳
本應已經幾飽，但係個威靈頓一上枱實在太吸引，用刀切落去仲”索索”聲，個酥皮脆脆，食落個肝醬同牛柳好夾，柔軟嘅嫩肉，不知不覺咁大塊都食晒。
🥧芒果拿破崙 (+$30)
睇得出廚師好有心機，擺碟好靚，識落個酥皮好脆，可能廚房係即時整嘅，最鍾意佢芒果多custard又多，甜品係要咁樣至好味。
聽到後面張枱慶祝🎂生日🎂，又蛋糕又蠟燭，氣氛好好，餐廳播嗰首生日歌係Remix版本，好得意。 後尾發現，原來佢哋weekend係有現場 live band, 餐廳都幾注重音樂呢一方面。
Post
