新肥泉海鮮大排檔

Open Now

Now Closed

每次同朋友去大排檔歡聚，我總認為椒鹽類嘅菜式不可或缺，你同意嗎？😈最近我發現呢度嘅椒鹽鮮魷好出色，魷魚爽脆、夠鑊氣但又炸得啱啱好，擺凍左仍然香口唔油膩，回味無窮😋我仲喺度發現左港式辣子雞😆雖然佢並唔係用正宗嘅川式整法，但雞球比川嘅嫰滑，蔥嘅甜味稍稍緩和左其辣味，適合想有啲味蕾刺激但又怕太辣嘅人，有趣🤭食西蘭花你鍾意爽口定偏腍？我喜歡偏腍，正當我同朋友講「如果碟西蘭花炒象拔蚌片啲西蘭花腍啲就好啦」之際，佢偏偏話「吓我就係鍾意佢爽脆喎」😂到訪當日呢度生意相當好，等上菜嘅時間較耐，店員都好有禮貌咁主動表示歉意👍🏻不過可以同朋友暢飲歡聚，等耐啲都沒所謂啦☺️