蚊蚊豬老火鍋 (Closed)

今天約了很久不見的朋友聚會，經朋友介紹下，選擇了蚊蚊豬老火煱。因為我地兩個樣樣都想食啲，呢一間樣樣都有少少，好似好吸引。我之前都有吃過其他的烤魚店，不是烤魚太重口味，就係價錢太貴，或是餐廳環境太侷促。這次這間沒有令我失望，性價比很高！$300以下，120分鐘放題。我哋揀咗泡椒酸辣萬州烤魚，入味得來，又不會太重口味或太鹹，味道適中！因為我唔係好食得辣，呢個泡椒酸辣少少辣得來，我都接受度。魚的份量都適中，兩個女生都足夠，因為仲有其他食物可以選擇！最近佢哋新加入麻辣燙，不過我就覺得有少少辣！我朋友食牛王喉食得好滋味！刺身方面，都有四五款，三文魚都好肥，我最鍾意佢個鮑片，好食！海鮮有蝦、青口、鮑魚！呢個價錢有海鮮都真係好抵！牛肉方面都有好多選擇，安格斯封門柳、牛板腱等。出邊仲有一個自助區可以揀蔬菜、丸類同甜品！舖頭入邊有卡位，同朋友見面坐得好舒服，又有好多選擇，非常適合一大班朋友聚會去，性價比十分分高！推介！