老厝邊

Open Now

Now Closed

眷村紅燒牛肉湯麵 $65 紅燒牛肉湯麵有4塊厚厚嘅牛肉，肉質軟嫩唔會柴👍🏻湯底調味啱啱好，唔會太鹹或者太甜；事後上網睇一睇咩叫眷村牛肉麵，原來係喺湯底加入豆瓣醬調味，都幾特別，有別於一般好濃藥材味嘅牛肉湯麵。而麵嘅份量好多，麵質彈牙唔會淋晒👍🏻最驚喜係蘿蔔，甜得嚟又夠軟，仲要吸晒湯底嘅味道。整體而言，如果喺附近諗唔到食咩嘅都會再回頭。當日除咗牛肉湯麵，仲有試到超濃芋泥蛋餅！佢係比較脆口嘅餅皮，而內餡除咗超香嘅芋泥之外，仲有芝士同肉鬆，所以食落真係超滿足👍🏻餐廳裝修好有台灣嘅感覺，光猛闊落，而且環境乾淨，坐得都幾舒服。另外，佢除咗牛肉湯麵之外，仲有台式便當。但供應時間並非all day，而係11:30至14:30同18:00至21:00，所以想食就要留意返啦。