川館 (大王東街)

Open Now

Now Closed

餐廳外面已經聞到浸椒麻味，餐廳個招牌超有中國特色，裏面亦都有紅燈籠做裝飾，感覺好正宗嘅四川菜。 🍴 老壇酸菜魚 ($238) ⭐️⭐️⭐️⭐️💫細份量對於我地兩個人真係啱啱好，呢個酸菜魚賣相非常吸睛，口味好啱我地香港人口味，魚肉份量夠多，而且幾滑！湯底味度夠酸，同薯粉同飯一齊食真係好夾！推介！🍴 辣子軟殼蟹 ($208) ⭐️⭐️⭐️⭐️💫好少見到有軟殼蟹食，見價錢唔算貴，又幾大碟就叫咗嚟試吓。 點知原來有驚喜，軟殼蟹加埋應該有五六隻，而且每一隻都炸到好酥脆惹味，食到停唔到口！呢味餸又係送飯一流！🍴 紅糖糍粑6件 ($48) ⭐️⭐️⭐️⭐️💫食完辣野食返個甜品都唔錯！應該係即叫即炸，所以係熱辣辣嘅。外皮煙煙韌韌，裏面軟淋淋，成舊糯米糍咁，加埋紅糖漿食，大推！.............................. 川館地址📍: 灣仔大王東街3號大旺樓地下B號舖總評分: 8.8/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️💫服務👨🏻‍🍳: ⭐️⭐️⭐️⭐️💫衛生🧹: ⭐️⭐️⭐️⭐️💫抵食💰: ⭐️⭐️⭐️⭐️