Video
Read full review
2020-08-07
631 views
#fatc9灣仔 #fatc9foodiary ——————————鯛魚喺日本菜當中係屬於偏貴價嘅魚，係一啲喜慶嘅日子都會見到鯛魚嘅菜式，因為佢哋帶有喜氣洋洋嘅紅色，而且鯛魚(tai)同日文「可喜」嘅後半(medetai)諧音；但原來喺香港佢哋叫鱲魚，係一種比較平價普通嘅海魚。呢一輪疫情前喺灣仔誤打誤撞試咗呢間專做鯛魚湯嘅餐廳，點知都幾有驚喜，去開個頭嘅話可以試一試。——————————🍽 元祖叉燒鯛魚濃湯烏冬+抹茶 ($82)主角鯛魚湯呈奶白色，入口鮮甜，而且唔係嗰種用味精溝出嚟好artificial嘅甜味，係有啲似屋企煲出嚟清甜嘅魚湯，fatc9飲咗大半碗之後都唔覺得口渴。另外烏冬係偏幼身嗰種，口感煙煙銀銀。最surprised嘅係佢個叉燒，唔同出面就咁淨係炆煮過嘅叉燒一樣，佢應該係出面再燒一燒過嚟，帶啲焦香味，呢個價錢連埋嘢飲嘅話個性價比都幾高！✅ 評分: 8/10-🍽石鍋烏賊三文魚子鯛魚濃湯泡飯+凍柚子茶($118)呢嗰泡飯雖然其貌不揚，但佢海鮮嘅份量一啲都唔少，除咗有魷魚仔之外仲有啲帶子，再加上三文魚子同埋鯛魚湯，啖啖鮮甜。另外好欣賞佢嘅石鍋夠熱，啱啱上枱嘅時候啲湯仲係滾緊，
——————————
鯛魚喺日本菜當中係屬於偏貴價嘅魚，係一啲喜慶嘅日子都會見到鯛魚嘅菜式，因為佢哋帶有喜氣洋洋嘅紅色，而且鯛魚(tai)同日文「可喜」嘅後半(medetai)諧音；但原來喺香港佢哋叫鱲魚，係一種比較平價普通嘅海魚。
呢一輪疫情前喺灣仔誤打誤撞試咗呢間專做鯛魚湯嘅餐廳，點知都幾有驚喜，去開個頭嘅話可以試一試。
——————————
🍽 元祖叉燒鯛魚濃湯烏冬+抹茶 ($82)
主角鯛魚湯呈奶白色，入口鮮甜，而且唔係嗰種用味精溝出嚟好artificial嘅甜味，係有啲似屋企煲出嚟清甜嘅魚湯，fatc9飲咗大半碗之後都唔覺得口渴。另外烏冬係偏幼身嗰種，口感煙煙銀銀。最surprised嘅係佢個叉燒，唔同出面就咁淨係炆煮過嘅叉燒一樣，佢應該係出面再燒一燒過嚟，帶啲焦香味，呢個價錢連埋嘢飲嘅話個性價比都幾高！
✅ 評分: 8/10
-
🍽石鍋烏賊三文魚子鯛魚濃湯泡飯+凍柚子茶($118)
呢嗰泡飯雖然其貌不揚，但佢海鮮嘅份量一啲都唔少，除咗有魷魚仔之外仲有啲帶子，再加上三文魚子同埋鯛魚湯，啖啖鮮甜。另外好欣賞佢嘅石鍋夠熱，啱啱上枱嘅時候啲湯仲係滾緊，到最後食完之後剩低嘅湯都仲係熱辣辣嘅。😂
✅ 評分: 7.5/10
-
🍽 明太子雞翼 ($28)
將啲明太子釀入無骨雞翼到，入面辣辣地，出面加咗蜜糖燒過嘅雞肉甜甜脆脆咁，都幾開胃。
✅ 評分: 7/10
——————————
📍 赤鯛 (灣仔)
灣仔灣仔道221A號天樂大廈地舖
——————————
呢間餐廳嘅防疫措施感覺做得唔錯，一入去除咗會幫你探熱同埋座位同座位之間有膠板隔住之外，仲俾咗口罩袋同埋消毒紙巾俾我哋，個消毒紙巾應該係日本野，最緊要唔係made in china呀嘛😂
政府防疫不力，要市民埋單😪 呢幾排好多餐廳都就快做唔住，大家就算減少出街食飯都好，其實都可以每個星期抽一兩日叫下外賣支持下本地餐飲業呀！😳
Post
