段純貞牛肉麵 (MONTEREY Place)

Open Now

Now Closed

呢間見唔少朋友食過都話唔錯，作為牛肉麵控，一早放咗佢喺list. 經過見到唔使等位，終於可以試吓。午餐set有麵食 + 飲品 $98，另一個麵食 + 飲品 + 小食 $138，我哋兩個人各叫咗一set. 一個「紅燒腱心半筋半肉牛肉麵」加一個「紅燒牛筋麵」，兩個都揀手工麵。小食本身想要鹽酥雞，但因為怕熱氣，最後揀咗豚肉鍋貼。點餐後唔使10分鐘已經有嘢食，十分有效率。牛肉同牛筋好入味，超好食，湯底好濃郁，配合埋個十分煙靭嘅手工麵，好有驚喜。豚肉鍋貼煎得好香脆，幾好食。飲品點咗「台式薑母奶茶」加珍珠，小甜下都仍然係太甜，下次可以叫走甜。但要讚吓個薑味幾濃，夠薑！由於個牛肉麵充滿驚喜，覺得一定回翻兜。埋單前買咗佢個優惠現金券，買$1000，送$200，再加幾張小食券。感覺拎到個八折，好似抵食好多。