Read full review
2017-10-23
239 views
經已入秋,天氣非常乾燥。覺得連身體𥚃面都乾旱旱咁。經過船澳街嘅一豆花。心諗食碗甜甜哋丶濕濕哋丶軟稔稔丶滑溜溜嘅豆腐花都好喎。由於一豆花並不設堂食,門口只係放咗兩張櫈俾啲唔想買外賣,想即刻啪咗碗豆花嘅人坐。所以我就決定外賣喇。行到店員面前,噢!有驚喜即刻嗌左碗薏米銀杏豆花。店員攞起個外賣碗,將豆腐花裝到半滿,然後揭開另一個煲蓋。煲裏面就係重點:薏米銀杏糖水!店員將呢個薏米銀杏糖水填滿個外賣碗,並冇再加糖水。味道又係點呢?味道啱啱好。甜味恰到好處。豆腐花好滑,再加埋銀杏同薏米嘅煙韌,口感一流呀。食完之後真係成個人都潤晒呀。
Post