Video
Read full review
2010-01-06
2 views
聖誕食完自助餐，唔想喺新年又食多一次，機緣巧合下，行到呢間食店，估唔到有意想不到嘅驚喜。因為無book位，所以等咗10分鐘。喺等位時見到由於係除夕，所以價錢由平日嘅$138加到$188一位、限時2小時；無所謂，話晒係節日，人哋都要賺錢；而且，我等位時睇下張餐單都好似幾多嘢食，而且，我留意到啤酒(仲要係麒麟啤)任飲，呢個係吸引之處。我因為試過一次任食放題嘅食店得到壞印象之後，已經好耐無食過嘞。入到喺鐵板側邊嘅位後，我就立即開始行動，叫咗啤酒、剌身、燒羊脾、串燒等食物。結果，無令我失望!唔駛2分鐘就有冰凍嘅啤酒送到，再3分鐘後就逐樣柯打到；點解我話無失望，因為至少過咗我嘅第一關先!就喺無因為任食而拖慢上菜嘅進度!!!而我前後咗咗至少7次柯打都無一次要我等多5分鐘有嘢食!!!抵讚!!!!!!!開始食啦：燒羊脾---有羊肉味，略嫌唔夠「蘇」串燒: 雞腎--正!!!因為係鹽燒，送啤酒一流!!! 雞軟骨---有咬口!青椒---有味唔乾。東菇---好味道。燒雞翼—惹味，正!!!洋蔥---甜!牛肉粒—係呢個我認為唔好，因為可能太多人叫而燒得唔 夠熟。多春魚—夠熱又好味!蠔--睇住師傅喺鐵板上煎完
喺等位時見到由於係除夕，所以價錢由平日嘅$138加到$188一位、限時2小時；無所謂，話晒係節日，人哋都要賺錢；而且，我等位時睇下張餐單都好似幾多嘢食，而且，我留意到啤酒(仲要係麒麟啤)任飲，呢個係吸引之處。
我因為試過一次任食放題嘅食店得到壞印象之後，已經好耐無食過嘞。
入到喺鐵板側邊嘅位後，我就立即開始行動，叫咗啤酒、剌身、燒羊脾、串燒等食物。結果，無令我失望!唔駛2分鐘就有冰凍嘅啤酒送到，再3分鐘後就逐樣柯打到；點解我話無失望，因為至少過咗我嘅第一關先!就喺無因為任食而拖慢上菜嘅進度!!!而我前後咗咗至少7次柯打都無一次要我等多5分鐘有嘢食!!!抵讚!!!!!!!
開始食啦：
燒羊脾---有羊肉味，略嫌唔夠「蘇」
串燒: 雞腎--正!!!因為係鹽燒，送啤酒一流!!!
雞軟骨---有咬口!
青椒---有味唔乾。
東菇---好味道。
燒雞翼—惹味，正!!!
洋蔥---甜!
牛肉粒—係呢個我認為唔好，因為可能太多人叫而燒得唔 夠熟。
多春魚—夠熱又好味!
蠔--睇住師傅喺鐵板上煎完擺返上蠔殼再上汁，之後上枱，ok!有蠔味同唔會因為任食而細細隻!
天婦羅—我叫咗蝦啫，最估唔到用呢個價錢可以食到夠熱、外邊卜卜脆而入邊又有蝦味嘅天婦羅!!!
酒煮蜆—啲酒惹味而蜆肉夠新鮮，份量夠，有大約8隻。(唔好忘記仲要食其他嘢)
翡翠螺—呢個直情比我喺酒店食自助餐嘅好味唔知幾多倍，一來夠鮮甜，二來唔會只係有冰味!!!正!!!唔太喜歡食嘅我都叫多一次!
剌身—最弱一環，因為啲剌身嘅份量係平常食到嘅一半，而味道普通。
啤酒--麒麟啤，正如前述一樣，夠涷而且即叫即上，所以飲咗4罐。
服務—隨傳隨到、唔會有一堆吉碟係枱而叫救命都無人收嘅情況出現!!!唔好忘記我食呢日係滿座嘅!
總括嚟講，以$188一位(仲要平日係$138)食到咁多即叫即燒即上嘅食物簡直係超值!!!雖然剌身係比較差，但係若看官們以食串燒同飲啤酒為主嚟計嘅話，我相信無咩可能會食到呢個份量同質素嘅串燒，而且仲要地點就腳喎!出邊其他食串燒嘅食店平均嚟計都要$20一串啦，啤酒都一樣!所以，我一定會再嚟!!!況且，平日係$138咋!!!
Post
