Video
Read full review
2024-02-23
790 views
沙田 📌 Cafe Joo ☕沙田正街18號新城市廣場1期1樓165號舖新派韓國餐廳，之前喺沙田都幫襯過，感覺就係三個字「伏味濃」，今次冇乜期望反而有驚喜 😇雖然 Menu 設計有d 難睇，簡單歸納如下：星期一至五 🍽️ 都有套餐供應，包括： ▪️有是日餐湯 🥘 或 沙律 🥗一份 ▪️每位再附送牛角包 🥐一個▪️套餐有 6 款前菜，10 款主菜▪️附飲品：鮮奶咖啡 • 美式咖啡 • 伯爵茶 • 茉莉花茶 • 蘋果汁 • 橙汁均可選擇，而其他特飲則另加 💰【 1 人套餐$208 • 2 人套餐$398 • 4 人套餐$788 】💌 我哋四個女仔直接 Order 咗個 4 人餐【前菜】▪️芝士醬煙肉炸薯條 🍟芝士味咸香，佈滿煙肉脆脆，口感滿滿，炸薯條勝在熱辣辣，好香口。▪️炸韓式紫菜牛肉飯卷 🌯紫菜外層有薄薄嘅炸粉，咬落脆卜卜，飯卷入面有牛肉、蛋、青瓜等配料，口感豐富之餘味道又好好，我同朋友都覺得好有驚喜。▪️韓式脆辣雞翼 • 配甜辣醬 🐥呢個單骨雞翼係即叫即炸，上枱熱辣辣已經好加分，而且炸得很爽脆，肉質鮮嫩，帶微辣，好惹味↝好正 🤎【主菜】▪️卡邦尼意粉🍝 配煙肉🥓 溫泉🥚呢個意粉好本身好 Creamy，
沙田正街18號新城市廣場1期1樓165號舖
新派韓國餐廳，之前喺沙田都幫襯過，感覺就係三個字「伏味濃」，今次冇乜期望反而有驚喜 😇
雖然 Menu 設計有d 難睇，簡單歸納如下：
星期一至五 🍽️ 都有套餐供應，包括：
▪️有是日餐湯 🥘 或 沙律 🥗一份
▪️每位再附送牛角包 🥐一個
▪️套餐有 6 款前菜，10 款主菜
▪️附飲品：鮮奶咖啡 • 美式咖啡 • 伯爵茶 • 茉莉花茶 • 蘋果汁 • 橙汁均可選擇，而其他特飲則另加 💰
【 1 人套餐$208 • 2 人套餐$398 • 4 人套餐$788 】💌 我哋四個女仔直接 Order 咗個 4 人餐
【前菜】
▪️芝士醬煙肉炸薯條 🍟
芝士味咸香，佈滿煙肉脆脆，口感滿滿，炸薯條勝在熱辣辣，好香口。
▪️炸韓式紫菜牛肉飯卷 🌯紫菜外層有薄薄嘅炸粉，咬落脆卜卜，飯卷入面有牛肉、蛋、青瓜等配料，口感豐富之餘味道又好好，我同朋友都覺得好有驚喜。
▪️韓式脆辣雞翼 • 配甜辣醬 🐥呢個單骨雞翼係即叫即炸，上枱熱辣辣已經好加分，而且炸得很爽脆，肉質鮮嫩，帶微辣，好惹味↝好正 🤎
【主菜】▪️卡邦尼意粉🍝 配煙肉🥓 溫泉🥚
呢個意粉好本身好 Creamy，芝士味濃，涼咗會變得好結身，意粉就會黐埋一堆，只要吉穿半熟蛋撈勻後成件事就啱啱好。意粉口感剛剛好，加咗唔少煙肉粒，口感層次豐富。
▪️韓式醬炒野菌糙米意大利飯 🍚野菌等配料都好足，加咗糙米令成個意大利飯好有口感，好有咬口。
▪️韓式慢烤安格斯牛肋肉 🍖 另+$58呢個韓式烤牛肋肉有講唔出嘅好食，口感味道似叉燒，油脂均勻，好鬼惹味 😋
▪️韓式醬燒澳洲極黑西冷🥩 另+$68呢個西冷扒牛味都好重，有比較之下我鍾意韓式烤牛肋肉多d 😋
▪️鮮橙🍊芒果🥭紫蘇葉梳打 🍹另+$18用🍊🥭 blend & mixed 梳打，所以好 fresh，果然係店內招牌嘅飲品，如果大杯 d 就好嘞 😎
▪️鮮雜莓奶蓋刨冰 🍧 $108• 新鮮士多啤梨 🍓 • 新鮮藍莓 🫐
• 牛奶軟香糕🍦• 白玉丸子 🍡
• 特製芝士 🧀奶蓋 • 士多啤梨果凍🍓 cube
淨係見到咁多🍓 我已經心心眼 😍 呢個刨冰雖然有雪糕、煉奶，但出奇地唔會好甜 ［罪惡感］即時減半 😆 好快我地就已經 KO 咗呢個刨冰。見到隔離枱 order 咗一個抹茶紅豆奶蓋刨冰 😍下次一定要試下 🍧
🔅 總括嚟講，相機 📸 都食唔曬 😆 成張枱逼滿嘢食。我哋四個女仔基本上都食到好飽，食物好啱我哋嘅胃口，尤其是甜品，真係好吸睛，相信好快我會再回訪 😎
Post
