Video
Read full review
2021-03-09
47 views
星期日再出動揾食，前排睇到雜誌推餃子專輯，仲要係我至愛嘅“濃”湯去到已經五點，因為太晏嘅原故，雞湯已經賣哂，所以我試左個豚骨濃湯。。。＄48嘅套餐加錢要左：豬骨濃湯配上海麵、韮菜豚肉餃、手撕雞。首先講下個湯先，好鮮甜，有啲似濃湯版嘅青紅蘿蔔湯，飲完都無口渴嘅感覺，同上海麵同餃子皮好夾，掛湯一流，不過如果有啲蔥花會更加正餃子：唔係一般喺出面食到嘅咁重味，反而係淡味啲，可能為左配合番個濃湯，雖然淡口，不過食到啲豬肉餡嘅鮮，又唔會太肥小食：加左錢配手撕雞，入面有啲麻醬，啲雞絲好滑同埋加左雞皮，好特別個餐仲有配左啲醬菜同飲品，個辣蝦醬菜有意思，辣得黎同有啲蝦嘅咸鮮味，配落餃子度過食，又有另外嘅感覺。飲品係一枝枝嘅，感覺餐廳好貼心，好捨得比人食嘅感覺，其他餐廳我好多時都會飲唔哂，今次可以拎埋樽飲品走慢慢飲總括而言，喺褔榮街食到咁嘅價錢、咁嘅環境同咁嘅質素。。。好有驚喜。新店開張，仲送左張＄5蚊現金券下次用，下次一定要試到個雞湯😌
去到已經五點，因為太晏嘅原故，雞湯已經賣哂，所以我試左個豚骨濃湯。。。
＄48嘅套餐加錢要左：豬骨濃湯配上海麵、韮菜豚肉餃、手撕雞。
首先講下個湯先，好鮮甜，有啲似濃湯版嘅青紅蘿蔔湯，飲完都無口渴嘅感覺，同上海麵同餃子皮好夾，掛湯一流，不過如果有啲蔥花會更加正
餃子：唔係一般喺出面食到嘅咁重味，反而係淡味啲，可能為左配合番個濃湯，雖然淡口，不過食到啲豬肉餡嘅鮮，又唔會太肥
小食：加左錢配手撕雞，入面有啲麻醬，啲雞絲好滑同埋加左雞皮，好特別
個餐仲有配左啲醬菜同飲品，個辣蝦醬菜有意思，辣得黎同有啲蝦嘅咸鮮味，配落餃子度過食，又有另外嘅感覺。飲品係一枝枝嘅，感覺餐廳好貼心，好捨得比人食嘅感覺，其他餐廳我好多時都會飲唔哂，今次可以拎埋樽飲品走慢慢飲
總括而言，喺褔榮街食到咁嘅價錢、咁嘅環境同咁嘅質素。。。好有驚喜。
新店開張，仲送左張＄5蚊現金券下次用，下次一定要試到個雞湯😌
Post
