意八餐廳 (Closed)

放工約咗朋友去健身，之前就梗係附近搵地方食嘢醫肚啦！於是就去咗就近嘅愉翠Itamomo食晚飯。可能係平日嘅關係，唔使排隊等位就已經可以入座。店舖算環境算寬敞舒適。我點咗鐵板牛扒，而我朋友就食鰻魚炒飯。鐵板牛扒餐都算大叫夾揸食，因為＄80就有幾大塊，仲有飯同薯菜，份量夠之餘牛扒味道都唔錯。雖然佢冇問我要幾成熟但係佢都算煮得唔太熟。朋友食個鰻魚炒飯就略嫌有點油膩。賣相好吸引。身為鰻魚迷嘅我，當然唔可以錯過叫鰻魚嘅機會啦！鰻魚同飯嘅配搭一流，食落去好有口感，令人津津有味。總括而言，呢間餐廳性價比高，兩個人食加埋都係大概＄200左右。