Video
Read full review
2020-03-23
398 views
同男朋友行開中環嗰頭，夜晚行完原創坊就諗住系附近搵間餐廳填下肚，行行下經過呢間李好純好似幾吸引咁，就行去睇下佢系食咩既。最初以為佢系食啲新派既中菜，點知睇真啲先發現佢系食啲新派素食既😂有驚喜🤪餐廳唔算好大，我地大約夜晚7點半去到既時侯岩岩冇曬位，門口既侍應好好人，話有張枱應該就埋單，叫我地留個電話轉頭返黎就有位😂結果10分鐘之後就有位了😂入到去見到佢有chef signature set食，費事諗黎諗去就叫左個餐。個餐總共有4個course，都好似幾豐富😋佢主要每個course都有兩款可以揀，同男朋友一人揀一款食就可以試多啲野🤪先黎個開胃菜，一個系凍既蔬菜卷，另一款系煙燻既蔬菜串。蔬菜卷冇咩特別，配個味道有啲似食片皮鴨既醬食落幾清新開胃。煙燻蔬菜串就有啲驚喜，打開蓋啲煙燻味即刻飄出黎，好香😋食落都有啲煙燻既香味，唔會太濃既煙味，清清地既感覺。跟住就黎個前菜，一款系凍既菇絲粉皮，感覺有啲似平時食既雞絲粉皮，佢個芝麻醬好香。另一款個名好靚，叫黃金花😂其實系鹹蛋黃椰菜花配南瓜蓉。估唔到鹹蛋同椰菜花會咁夾🤪椰菜花好爽脆，但系一啲都唔乾身，值得一讚👍🏼跟住就到主菜，因為男朋友唔食糯米飯，所以就叫
入到去見到佢有chef signature set食，費事諗黎諗去就叫左個餐。個餐總共有4個course，都好似幾豐富😋佢主要每個course都有兩款可以揀，同男朋友一人揀一款食就可以試多啲野🤪
先黎個開胃菜，一個系凍既蔬菜卷，另一款系煙燻既蔬菜串。蔬菜卷冇咩特別，配個味道有啲似食片皮鴨既醬食落幾清新開胃。煙燻蔬菜串就有啲驚喜，打開蓋啲煙燻味即刻飄出黎，好香😋食落都有啲煙燻既香味，唔會太濃既煙味，清清地既感覺。
跟住就黎個前菜，一款系凍既菇絲粉皮，感覺有啲似平時食既雞絲粉皮，佢個芝麻醬好香。另一款個名好靚，叫黃金花😂其實系鹹蛋黃椰菜花配南瓜蓉。估唔到鹹蛋同椰菜花會咁夾🤪椰菜花好爽脆，但系一啲都唔乾身，值得一讚👍🏼
跟住就到主菜，因為男朋友唔食糯米飯，所以就叫左豆腐同薏米飯呢兩款🤭個豆腐系百頁豆腐黎，再包住一層超脆既腐皮，配埋個有海帶毛豆既底汁，雖然豆腐系炸既但食落都好清新，唔會油膩。最有驚喜就系個薏米飯，用左意大利飯既方式煮既，加左啲菇菇同芝士脆片系面，食落真系意大利飯個感覺😂估唔到薏米既口感咁彈牙，比起一般既意大利飯再彈牙啲，食落個感覺好得意😂加上個味道好好，成個菜式都好出色，非常有驚喜😍
最後就系個甜品，一款系椰汁烏冬配芒果紫米，呢個有小小失望，比起之前既野食冇咩太大特色，不過唔算好甜，都不過不失🙈令一款系山楂sorbet配朱古力蛋糕，都系一份好清新既甜品黎，唔算好甜，總算系呢餐飯唔錯既結尾。
總括黎講，餐廳既食物系高質既，食得出佢地用既食材都系有返咁上下質素既。唯一就系價錢少貴，個餐一位盛惠$288，仲要唔包野飲（可以每位加多$128有個juice pairing既選擇，不過我地覺得唔系咁抵就就咁叫左壺$58既洋甘菊普洱茶）最後埋單兩個人$700度，以食素黎講真系貴左啲，不過餐廳既環境同服務都唔錯，加上食物樣樣都有啲驚喜，所以都系一個值得推薦既選擇黎👍🏼如果咁岩嗰日行開中環嗰頭又想食清啲既都不妨考慮下呢間餐廳！
Post
