Funky Monkey

Open Now

Now Closed

世界盃開鑼當然要出去酒吧睇波熱鬧下，同行有朋友就推介我地黎呢間尼泊爾餐廳。不論環境同食物都好有驚喜。尼泊爾菜其中最出名就係momo，賣相好似小籠包，係當地人熱門既食物。餐廳有蒸或炸揀，我地就揀左炸momo。炸左既momo咬落外皮香脆，內裏餡料飽滿多汁，帶有濃烈既香料味又有點辛香味，留係口中久久不散。複雜既味道令到我急不及待食多嚿，想試清楚味道點埋旁邊既辣醬更惹味最終我地3個人食左兩盤（20隻）極之推介！亦叫左margarita pizza面頭鋪滿口感柔滑既mozzarella，配埋蕃茄醬同羅勒葉中和芝士既膩滯，而且批邊焗得薄脆，食落有口感令到我唔覺唔覺食左三塊（已經忘記左要減肥）邪惡嘅芝士（拉絲效果一流）亦叫左炸魷魚圈（送啤酒一流），最欣賞餐廳做到炸漿薄脆緊緊包住魷魚圈，無多餘粉漿而且份量都幾多。餐廳晚上亦有Live band，氣氛很好。店員亦好熱情友善加上食物好食，以後又多一個聚腳點了