Video
Read full review
2022-05-10
25 views
前兩日同朋友上咗去一間新開嘅餐廳諗住求其食啲嘢，點知有驚喜。佢都幾特別，乜都有得食，中菜、台灣料理、西餐、中西式甜品。。。菜單多到唔知點揀，最後我哋揀咗最抵食嘅台灣嘢同埋一個窩夫甜品☺️佢價錢拍得住foodcourt，但係質素拍得住好多台灣餐廳，好味。香腸滷肉飯，$58 包熱飲台式香腸係我嘅最愛，點食都好味，呢度最正係啲滷肉好入味又好大粒，配上白飯真係一流😋個飯仲配埋其他配菜，有好好味嘅凉伴四季豆上面加咗半條沙甸魚，另外仲有半個滷水蛋，成個飯好豐富。鹽酥雞扒伴麵，$58 包熱飲雞扒好大塊呀，平時鹽酥雞粒食得多，鹽酥雞扒真係好少試，佢同平時嘅炸雞扒或者吉列雞扒好唔同，上面加咗啲調味粉，好惹味。麵嘅質地好唔錯，加上大量大大粒滷肉，好滿足。雪糕窩夫，$55我哋見台式嘢質素唔錯，就試埋佢嘅小食同甜品，瑞士雞翼正正常常，不過甜品就有驚喜，佢選擇都幾多，由中式嘅芝麻糊到西式嘅心太軟都有，最後我哋一致揀咗雪糕窩夫🧇窩夫即叫即整，好脆好好味，佢哋仲勁好服務幫我哋換碟同叉，好似食緊西餐咁👍🏻
前兩日同朋友上咗去一間新開嘅餐廳諗住求其食啲嘢，點知有驚喜。佢都幾特別，乜都有得食，中菜、台灣料理、西餐、中西式甜品。。。菜單多到唔知點揀，最後我哋揀咗最抵食嘅台灣嘢同埋一個窩夫甜品☺️佢價錢拍得住foodcourt，但係質素拍得住好多台灣餐廳，好味。
香腸滷肉飯，$58 包熱飲
台式香腸係我嘅最愛，點食都好味，呢度最正係啲滷肉好入味又好大粒，配上白飯真係一流😋個飯仲配埋其他配菜，有好好味嘅凉伴四季豆上面加咗半條沙甸魚，另外仲有半個滷水蛋，成個飯好豐富。
鹽酥雞扒伴麵，$58 包熱飲
雞扒好大塊呀，平時鹽酥雞粒食得多，鹽酥雞扒真係好少試，佢同平時嘅炸雞扒或者吉列雞扒好唔同，上面加咗啲調味粉，好惹味。麵嘅質地好唔錯，加上大量大大粒滷肉，好滿足。
雪糕窩夫，$55
我哋見台式嘢質素唔錯，就試埋佢嘅小食同甜品，瑞士雞翼正正常常，不過甜品就有驚喜，佢選擇都幾多，由中式嘅芝麻糊到西式嘅心太軟都有，最後我哋一致揀咗雪糕窩夫🧇窩夫即叫即整，好脆好好味，佢哋仲勁好服務幫我哋換碟同叉，好似食緊西餐咁👍🏻
Post
